Подробности

Создано 22.02.2020 13:40

 Прывіццё цікавасці да ведаў роднай мовы, фарміраванне патрыятызму праз вывучэнне культурнай спадчыны народа – такія задачы паставілі настаўнікі Граніцкага дзіцячага-сада базавай школы пры падрыхтоўцы мерапрыемстваў, прысвечаных Дню роднай мовы. 21 лютага навучэнцы ўстановы прагледзелі відэалекторыі “Міжнародны дзень роднай мовы”. У дадатак да прагледжаных ролікаў удзельнікі з задавальненнем адказалі на пытанні віктарыны. У гэты дзень дзеці змаглі папоўніць і актывізаваць слоўнікавы запас, успомнілі і прачыталі вершы класікаў беларускай літаратуры.

 Для навучэнцаў III-IV класаў была арганізавана выстава кніг “Мая Беларусь”, дзе яны пазнаёміліся з навінкамі дзіцячай беларускай літаратуры і змаглі зачытаць вершы пра родную мову. Далей дзеці паказалі свае веды, адказваючы на пытанні віктарыны “Роднай мове прысвячаецца”, якая праходзіла ў некалькі тураў: “Прадоўжы прыказкі”, “Падбяры сінонімы”, “Назаві аўтара”, “Пагуляем у перакладчыка”. Напрыканцы мерапрыемства кожны з удзельнікаў змог адказаць на пытанне "Навошта ведаць родную мову?”

  Вучні 5 класа праявілі сябе, выпрабоўваючы сілы ў  інтэлектуальным конкурсе “Мова – жывая душа чалавека”, дзе успомнілі прыказкі, загадкі, фразеалагізмы на беларускай мове, разгадвалі крыжаванкі, удзельнічалі ў творчым турніры перакладчыкаў, праверылі свае веды па беларускай літаратуры, гісторыі сваёй роднай Беларусі.

 Свята атрымалася цудоўным.Яно было не толькі вясёлым, але і вельмі карысным.

Подробности

Создано 21.10.2019 19:23

Графік правядзення мерапрыемстваў першага этапу рэспубліканскага конкурсу прафесійнага майстэрства педагагічных работнікаў “Настаўнік года Маладзечанскага раёна”

Подробности

Создано 17.02.2020 13:38

Мерапрыемствы, прымеркаваныя да Міжнароднага дня роднай мовы, у ДУА “Граніцкі навучальна-педагагічны комплекс дзіцячы сад-базавая школа Маладзечанскага раёна”

Подробности

Создано 19.11.2019 17:51

 У рамках першага этапу рэспубліканскага конкурсу прафесійнага майстэрства педагагічных работнікаў “Настаўнік года Маладзечанскага раёна” педагогі Граніцкага дзіцячага-сада правялі адкрытыя вучэбныя заняткі.

 13.11.2019 Амяльчэня С.З. запрасіла настаўнікаў на занятак па прадмеце “Нямецкая мова” у V клас “Накрываем на стол”. Вучні вучыліся расказваць што і дзе стаіць на стале, ужываючы прыназоўнікі über, neben, прымянялі фразы маўленчага этыкету ў сітуацыях, звязаных з сервіроўкай стала, запрашэннем і прыёмам гасцей.

 Адкрыты вучэбны занятак па прадмеце “Чалавек і свет” у ІІ класе “Карысныя выкапні – падземныя багацці краіны” 14.11.2019 быў праведзены Вадапъянавай С.М. На ўроку былі створаны ўмовы для азнаямлення вучняў з карыснымі выкапнямі, іх ужываннем, іх уласцівасцямі. Змест урока садзейнічаў фарміраванню ўяўленняў навучэнцаў аб падземных багаццях, першапачатковых уменняў пошуку неабходнай інфармацыі і аналізу атрыманай інфармацыі; развіццю цікавасці да прадмета “Чалавек і свет”. Урок быў пабудаваны так, каб кожнае дзіця адчула сябе творцам, даследчыкам, каб у ім раскрыліся ўсе таленты і здольнасці, дадзеныя яму ад прыроды, развівалася творчае мысленне. Змест вучэбнага матэрыялу і віды работы, якія былі выкарыстаны на ўроку, былі накіраваны на падтрыманне пазнавальнай актыўнасці навучэнцаў на працягу ўсяго ўрока. На ўроку была створана сітуацыя псіхалагічнага камфорту для дзяцей.

 Урок нямецкай мовы у IV класе“Сваяцкія адносіны ў сям’і”, праведзены Хаміцэвіч Т.М.18.11.2019 быў арыентаваны на авалоданне такімі аспектамі мовы, як фанетыка, лексіка, граматыка. Дзеці паўтарылі вывучаную лексіку па тэме “Сям'я”, удасканалілі свае маўленчыя навыкі. Настаўніцай былі створыны ўмовы для развіцця цікавасці да прадмета і падтрымання высокага ўзроўню матывацыі да вывучэння нямецкай мовы, выхавання паважлівага стаўлення да сям'і, сваякоў, любоў да маці. У ходзе фанетычнай зарадкі адбывалася настройка артыкуляцыйнай апарата і работа над вымаўленчым бокам гаворкі. Навучэнцы шляхам асацыятыўнага метаду павінны былі прачытаць словы па транскрыпцыі. Падчас моўнай размінкі была правведзена актуалізацыя неабходнага на ўроку лексічнага матэрыялу. На ўроку быў ўжыты канструктар інтэрактыўных заданняў Learning Apps. Навучэнцы змаглі праверыць і замацаваць свае веды ў гульнявой форме, што стварае ўмовы для фарміравання пазнавальнага цікавасці да нямецкай мовы. Таксама на ўроку прысутнічалі элементы інтэграцыі. Былі выкарыстаны веды навучэнцаў, атрыманыя у працэсе вывучэння прадметаў “Музыка”, “Беларуская літаратура”. Навучэнцы павінны былі выказаць сваё меркаванне аб значэнні маці ў жыцці кожнага чалавека, назваць творы беларускіх пісьменнікаў, музычныя творы, прысвечаныя маці. У ходзе ўрока былі выкарыстаны франтальная, групавая формы працы. Віды дзейнасці пастаянна змяняліся, дзякуючы чаму падтрымліваўся станоўчы настрой і досыць хуткі тэмп правядзення занятка. Час быў размеркаваны рацыянальна, што дазволіла прайсці ўвесь запланаваны матэрыял.