22.02.2021 у Граніцкім дзіцячым садзе-базавай школе адзначаўся Дзень роднай мовы. Пачалося свята з акцыі “Дакраніся да Беларусі”. Вучням і настаўнікам было прапанавана ўспомніць самыя прыгожыя, мілагучныя беларускія словы, запісаць іх на рознакаляровых далонях і прымацаваць да стэнда. Тут жа ўдзельнікі акцыі расказвалі цікавыя гісторыі, звязаныя з гэтымі словамі.
Працягвала наша свята гульня “Перакладчык”. Дзеці выцягвалі незвычайныя беларускія словы, якія патрэбна было перакласці на рускую мову. За кожнае правільна перакладзенае слова ўдзельнік атрымліваў падарунак-цукерку. Калі хтосьці не ведаў перакладу, то яму падказвалі добразычлівыя суседзі.
Шмат новага і цікавага пра родную Беларусь даведаліся ўдзельнікі нашага свята. А галоўнае, яны з радасцю і захапленнем далучыліся да нашай спадчыны.
